Eit av dei mest gåtefulle og urolege stykka i norsk dramatikk blir no presentert i ei ny, musikkdramatisk form. Nokon kjem til å kome av Jon Fosse, med musikk av Knut Vaage og regi av Bruno Berger-Gorski, vert ei rå og nærgåande oppleving – tett på kropp, stemme og stillheit.

To menneske trekkjer seg tilbake til eit hus ved havet. Dei vil vere åleine. Men i det stille byrjar noko å dirre. Kva om nokon kjem?

Gjennom Fosses poetiske og ladde språk, og Vaages ekspressive, djuptgripande musikk, vert publikum dratt inn i ei uro som ikkje slepp taket. Ei framsyning som luktar av sjø og isolasjon, av lengsel, makt og mørke.